Galeries Tower itutuloy ang suwerte sa quarterfinals kontra sa Akari
MANILA, Philippines — Hahataw ngayon ang best-of-three quarterfinals series ng 2024-25 Premier Volleyball League (PVL) All-Filipino Conference sa PhilSports Arena sa Pasig City.
Unang sasalang ang Galeries Tower at Akari ngayong alas-4 ng hapon kasunod ang salpukan ng PLDT at Choco Mucho sa alas-6:30 ng gabi.
Hangad ng Highrisers na maituoy ang kanilang suwerte sa quarterfinals matapos gulatin ang No. 3 Cignal HD Spikers sa qualifying round.
“Ever since na nag-start ang Galeries, naniniwala ako doon sa mga players, sa sistema at sa mga coaches na nandoon sa Galeries,” ani Galeries Tower coach Lerma Giron.
Dinispatsa rin ng Chargers ang Farm Frexh Foxies sa qualifying round papasok sa quarterfinals.
Muling aasahan ng Galeries Tower sina Jewel Encarnacion, Ysa Jimenez, Julia Coronel, Roselle Baliton, Andrea Marzan at Alyssa Eroa.
Itatapat ng Akari sina Ivy Lacsina, Grethcel Soltones, Faith Nisperos, Eli Soyud, Cams Victoria at Fifi Sharma.
Samantala, ang 1-0 abante rin sa serye ang paglalabanan ng High Speed Hitters at Flying Titans.
Muling pamumunuan nina Fil-Canadian Savi Davison, Erika Santos, Fiola Ceballos, Majoy Baron, Dell Palomata at Mika Reyes ang PLDT.
Ihaharap ng Choco Mucho sina Sisi Rondina, Isa Molde, Dindin Manabat, Royse Tubino at Cherry Nunag.
Magiging eksplosibo ang duwelo nina Davison at Rondina na top scorer at second scorer sa torneo.
- Latest
