SGA nag-withdraw sa bronze medal game
MANILA, Philippines — Pormal nang tinapos ng Strong Group Athletics ang kampanya nito matapos magpasyang mag-witdraw sa bronze medal game sa 34th Dubai International Basketball Championship na ginaganap sa Al Nasr Club.
Ang naging aksiyon ng SGA ay bilang protesta sa kanilang masaklap na kabiguan sa Tunisia sa semis, 63-68, kung saan tinukoy ng SGA ang ilang non-calls sa buong laro.
“Our decision comes after our semifinal matchup against Tunisia on Saturday evening, where we encountered officiating inconsistencies that significantly impacted the outcome of the contest. Throughout the game, multiple non-calls were made against us, with crucial decisions favoring Tunisia,” ayon sa statement ng SGA.
Nanawagan ang SGA na magkaroon ng patas na officiating at irespeto ang bawat laro.
“We call for equality and fairness in officiating and for the game to be treated with the proper respect,” ayon pa sa SGA.
Dahil dito ay hindi na lalaruin ng SGA ang third-place game nito laban sa United Arab Emirates.
- Latest
