Pistons wasak sa Indiana Pacers

DETROIT — Kumamada si Myles Turner ng 28 points, habang may 26 markers si Pascal Siakam para gabayan ang Indiana Pacers sa 111-100 paggiba sa Pistons.

Tumipa si Turner ng 8-of-11 shooting sa three-point range para sa Indiana (23-19) na nakahugot kay Tyrese Haliburton ng 17 points at 8 assists.

Umiskor si Tim Hardaway Jr. ng 25 points kasunod ang 20 markers ni Cade Cunningham sa panig ng Detroit (21-20) na nauna nang naipanalo ang 10 sa huli nilang 12 asignatura bago natalo.

Naimintis ng Pacers ang 10 sa kanilang 12 shots sa pagsisimula ng fourth quarter na sinamantala ng Pistons para makalapit sa 90-96 sa 5:38 minuto.

Bigo naman ang Detroitna makaiskor na nagbigay-daan sa Indiana para itayo ang 12-point lead.

Sa Oklahoma City, nagsalpak si Shai Gilgeous-Alexander ng 40 points sa 134-114 pagbugbog ng Thunder (34-6) sa Cleveland Cavaliers (34-6).

Nag-ambag si Lu Dort ng season-high 22 points kasunod ang 19 markers ni Jalen Williams para sa ikaapat na sunod na ratsada ng Oklahoma City.

Binanderahan ni Darius Garland ang Cleveland sa kanyang 20 points, habang nalimitahan si Donovan Mitchell sa walong marka mula sa 3-for-15 shooting.

Sa Washington, bumira si Devin Booker ng 37 points at may 23 markers si Kevin Durant sa 130-123 pagsunog ng Phoenix Suns (20-20) sa Wizards (6-33).

Sa Portland, umiskor si Norman Powell ng 23 points at may 19 markers si James Harden sa 118-89 pag­lunod ng Los Angeles Clippers (23-17) sa Trail Blazers (13-27).

Sa Sacramento, nagposte si DeMar DeRozan ng 31 points at may 28 markers ni Malik Monk sa 132-127 pagbalasa ng Kings (21-20) sa Houston Rockets (27-13).