Thunder tinalo ang Celtics para sa ika-15 dikit
OKLAHOMA CITY — Tumipa si star guard Shai Gilgeous-Alexander ng 33 points at 11 rebounds para gabayan ang Thunder sa 105-92 panalo sa nagdedepensang Boston Celtics.
Inilista ng Oklahoma City (30-5) ang kanilang franchise-record na ika-15 sunod na panalo.
Nagdagdag si Aaron Wiggins ng 15 markers at may 14, 13 at 10 points sina Luguentz Dort, Cason Wallace at Jalen Wlliams, ayon sa pagkakasunod.
Binanderahan ni Jayson Tatum ang Boston (26-10) sa kanyang 26 points at 10 rebounds at may 21 markers si Jaylen Brown na hindi na nakaiskor sa second half.
Sa likod ni Gilgeous-Alexander ay naagaw ng Thunder ang 81-80 abante sa third period mula sa 55-65 halftime deficit.
Ang back-to-back three-point shots ni Lu Dort ang nagbigay sa kanila ng 100-88 bentahe kontra sa Celtics sa huling dalawang minuto ng fourth quarter.
Sa Cleveland, umiskor si Darius Garland ng 25 points sa 115-105 paggupo ng NBA-leading Cavaliers (31-4) sa Charlotte Hornets (7-27).
Sa Houston, bumira si Fil-Am Jalen Green ng 33 points para tulungan ang Rockets (23-12) sa 119-115 pagsapaw sa Los Angeles Lakers (20-15).
Sa Orlando, naglista si Brice Sensabaugh ng 27 points sa 105-92 paggiba ng Utah Jazz (9-25) sa Magic (21-16).
- Latest
