Paglalaro ni Romeo hinihintay ni Manuel

MANILA, Philippines — Umaasa si veteran for­ward Vic Manuel na ma­kakalaro na si Terrence Romeo para makuha ng Ter­rafirma ang unang pa­nalo sa Season 49 PBA Com­missioner’s Cup.

Mula nang i-trade ng San Miguel Beermen sa Dyip kasama si Manuel ay hindi pa naglalaro si Ro­meo.

“Sa pagbalik namin ng bagong taon, sana makalaro na siya, makuha namin ‘yung first win namin,” wika ng 37-anyos na si Ma­nuel sa 32-anyos na si Ro­meo.

Wala pa ring panalo ang Terrafirma sa kanilang pitong laro sa komperensya.

Nagmula ang Dyip sa 112-124 kabiguan sa Rain or Shine Elasto Painters (4-1) noong Linggo.

“Malungkot ‘yung Pas­ko ko ngayon kasi first time na winless sa confe­rence,” sabi ng No. 9 overall pick ng B-Meg Llamados (nga­yon ay Magnolia Hotshots) noong 2012 PBA Rookie Draft.

Sunod na lalabanan ng Terrafirma ang Phoenix (1-5) sa Enero 7 sa Philsports Arena sa Pasig City.

Samantala, magtutuos bukas sa Araw ng Pasko ang Barangay Ginebra (3-2) at Magnolia (2-4) sa alas-7:30 ng gabi sa Smart Araneta Coliseum.

Sa unang laro sa alas-5 ng hapon ay maghaharap ang Meralco (3-1) at mainit na Converge (5-2).

Sumasakay ang Fiber­Xers sa three-game winning run.