Sotto pinatawan ng suspensyon
MANILA, Philippines — Hindi nakapaglaro si Kai Sotto para sa Koshigaya Alphas sa Japan B.League.
Ito ay matapos siyang patawan ng one-game suspension ng liga.
Hindi nasilayan sa aksiyon ang 7-foot-3 Pinoy cager sa huling laban ng Alphas kung saan lumasap ng kabiguan ang kanilang tropa sa Utsunomiya Brex sa Koshigaya City General Gymnasium.
Nagkagirian si Sotto ang ang import ng San-En dahilan para mapatalsik ito sa laro.
Matapos ang suspensiyon ay agad namang makababaik sa aksiyon si Sotto para tulungan ang Alphas sa kampanya nito.
Kasalukuyang may 6-16 rekord ang Alphas.
Sa kabilang banda, panalo naman ang tropa ni Gilas Pilipinas standout AJ Edu na Nagasaki Velca kontra sa Shimane Susanoo Magic sa iskor na 77-73 sa Happiness Arena.
Limitado ang laro ni Edu na nagkasya lamang sa tatlong puntos at tatlong rebounds sa naturang panalo.
Umangat sa 10-12 ang Nagasaki.
Maganda rin ang laro ni Matthew Wright na kumana ng 21 puntos para sa Kawasaki Brave Thunders.
Subalit hindi ito sapat para buhatin ang Thunders matapos lumasap ng 84-95 kabiguan sa Nagoya Diamond Dolphins sa larong ginanap sa Dolphins Arena.
Nalugmok ang tropa ni Wright sa 4-18 marka.
- Latest
