Rockets swak sa NBA Cup quarters
MINNEAPOLIS — Humakot si Alperen Sengun ng triple-double na 22 points, 10 rebounds at 11 assists sa 117-111 overtime win ng Rockets sa Minnesota Timberwolves para kunin ang West Group A spot sa NBA Cup quarterfinals.
Naglista si Fred VanVleet ng 27 points at 11 assists habang may 22 markers si Dillon Brooks para sa 3-0 record ng Houston (13-6) sa NBA Cup.
Kumolekta si Anthony Edwards ng 29 points at 10 rebounds para sa Minnesota (8-9) at may 21 at 19 markers sina Julius Randle at Naz Reid, ayon sa pagkakasunod.
Sa huling 15 segundo ay sinupalpal ni Rudy Gobert ng Timberwolves ang layup ni Sengun para sa Rockets na nagdala sa laro sa overtime.
Sa Phoenix, umiskor sina Bradley Beal at Kevin Durant ng tig-23 points sa 127-100 pagtusta ng Suns (10-7) sa Los Angeles Lakers (10-7).
Sa Miami, tumipa si Damian Lillard ng 37 points at 12 assists para gabayan ang Milwaukee Bucks (9-9) sa 106-103 pagtakas sa Heat (7-8).
Sa Salt Lake City, bumitaw si Victor Wembanyama ng 34 points para gabayan ang San Antonio Spurs (10-8) sa 128-115 pagbugbog sa Utah Jazz (4-13).
Sa Washington, bumira si Nikola Vucevic ng 19 markes at 12 rebounds para igiya ang Chicago Bulls (8-11) sa 127-108 pagsuwag sa Wizards (2-14).
- Latest
