Lady Spikers, Lady Tams pupuwesto sa Final
MANILA, Philippines — Mapapalaban ang defending champion National University sa University of the Philippines sa 2024 Shakey’s Super League Collegiate Pre-season Championship quarterfinals na lalaruin sa Rizal Memorial Coliseum ngayong araw.
Magsisimula ang paluan ng NU at UP sa alas-4 ng hapon pagkatapos ng bakbakan ng De La Salle University at Ateneo de Manila University sa ala-1 ng hapon, sa alas-6 ng gabi naman ang banatan ng University of Sto. Tomas at University of the East.
Nakatakda naman mag hatawan ang Far Eastern University at College of Saint Benilde sa alas-11 ng umaga sa event na katuwang ang Smart Sports, PLDT Fibr, Mikasa, Asics, Rebel Sports, Eurotel, Victory Liner, Commission on Higher Education (CHED), Philippine Sports Commission (PSC), at SM Tickets bilang technical partners.
Tiyak na hindi magku-kumpiyansa ang three-peat-seeking Lady Bulldogs laban sa Fighting Maroons.
Isang panalo lang ang kailangan ng Lady Spikers at lalapit sila sa pagbabalik sa finals matapos ang runner-up finish nila sa inaugural edition may dalawang taon na ang nakalipas.
Tulad ng DLSU, tangka din ng FEU na mapalapit sa asam na korona laban sa St. Benilde na walang naipanalo sa tatlong laro sa second round.
- Latest
