Pinas kumana ng 4 golds sa Worlds

MANILA, Philippines — Matapos mabigong makasikwat ng ginto sa opening day, nagparamdam na ng lakas ang Team Philippines nang angkinin nito ang apat na ginto, isang pilak at isang tansong medalya sa ICF Dragon Boat World Championships na ginaganap sa Puerto Princesa Baywalk sa Palawan.

Bumanat ng unang ginto ang Pinoy paddlers sa standard boat mixed 200-meter finals kung saan nagtala ito ng 47.07 segundo.

Tinalo ng Pinoys ang Canada (48.69) at Individual Neutral Athlete squad na binubuo ng Russian athletes (49.03), na nagkasya sa pilak at tanso, ayon sa pagkakasunod.

Sinundan ito ng PH women’s masters squad na namayagpag sa 40+ 200-meter event bunsod ng naitala nitong 49.41 segundo.

Tinalo ng Pinay paddlers ang Czechoslovakia (50.84) na nakakuha ng pilak at Hungary (52.12) na umani ng tanso.

Mainit ang ratsada ng Pinoy paddlers matapos humakot ng apat na ginto, isang pilak at isang tansong medalya sa ICF Dragon Boat World Championships na ginaganap sa Puerto Princesa Baywalk sa Palawan.

Unang nasikwat ng Pinoy squad ang gintong medalya sa standard boat mixed 200-meter finals sa bilis na 47.07 segundo para patumbahin ang Ca­nada (48.69) at Individual Neutral Athlete squad na binubuo ng Russian athletes (49.03), na nagkasya sa pilak at tanso, ayon sa pagkakasunod.

Sinundan ito ng PH women’s masters squad na namayagpag sa 40+ 200-meter event bunsod ng naitalang 49.41 segundo.

Tinalo ng Pinay paddlers ang Czechoslovakia (50.84) na nakakuha ng pilak at Hungary (52.12) na umani ng tanso.

Hindi rin nagpahuli ang PH men’s masters team na naghari naman sa standard board 200-meter event bitbit ang 49.01 segundo habang nakahirit din ng ginto ang PH women’s team sa parehong event hawak ang 55.22 segundo.

Maliban sa apat na ginto, umani ng pilak ang Pilipinas sa men’s 20-sea­ter standard boat open event (47.59) habang may tanso rin ang host country sa women’s 20-seater 200-meter event (55.22).

“Ginawa lang namin yung ginawa namin sa training with some slight changes. Huminga kami ng malalim then tuluy-tuloy na. Kumbaga full throttle,” ani national team skipper OJ Fuentes.

Target pa ng tropa na madagdagan ang ginto nito dahil pasok rin ito sa finals ng mixed 200-meter na gaganapin ngayong umaga.

Ang mixed 200-meter event ay qualifying para sa World Games na idaraos sa Chengdu, China sa susunod na taon.