UST ‘di kinaya ang FEU sa Shakey’s volley
MANILA, Philippines — Ipinaramdam ng Far Eastern University ang kanilang lakas sa unang laro sa second round matapos ilampaso sa tatlong sets ang University of Sto. Tomas, 25-21, 25-23, 25-23 kahapon sa 2024 Shakey’s Super League Collegiate Pre-season Championship na nilaro sa Rizal Memorial Coliseum kahapon.
Napalaban ang Lady Tamaraws sa third set nang sabayan sila ng Golden Tigresses pero naging matatag sila para ilista ang unang panalo sa Pool F.
Umiskor si Jean Asis ng 12 points upang tulungan ang FEU na suwagin ang mabangis na Golden Tigresses sa tournament na suportado ng Shakey’s Pizza Parlor, GCash, Chery Tiggo, F2 Logistics, Peri-Peri Charcoal Chicken, Potato Corner, R and B Milk Tea at Summit Water.
“Sobrang saya po kasi sa mga past games namin, hirap talaga kaming talunin sila. Finally, natalo namin sila in three sets. So ang sarap sa feeling na nagawa namin ‘yung part namin na maglaro ng maayos at ma-defeat sila,” ani Asis.
Walong kills ang kinana ni Asis habang bumakas sina Jazlyn Ellarina ng 12 markers mula sa nine spikes, dalawang blocks at isang service ace para sa FEU sa event na katuwang ang Smart Sports, PLDT Fibr, Mikasa, Asics, Rebel Sports, Eurotel, Victory Liner, Commission on Higher Education (CHED), Philippine Sports Commission (PSC), at SM Tickets bilang technical partners.
Sa ikalawang laro, dumikit ang La Salle sa bonus sa quarterfinals matapos gibain ang University of the East, 23-25,26-24,25-20, 25-16 sa Pool E.
Samantala, mapapanood ang SSL games ng live sa SMART Livestream, Solar Sports Channel 70 on Sky Cable at Channel 59 on Cable Link.
- Latest
