Hong Kong swing
Mataas ang expectation na magandang pagtatapos sa PBA Governors’ Cup ang ihahatid ng TNT-Barangay Ginebra finals.
At kahit na medyo malayo pa, mataas din ang expectation na patok ang susunod na conference na sasahugan ng guest entry na Hong Kong Eastern.
Matatandaan na humakot ng record numbers ang 2022-23 Commissioner’s Cup na sinalihan ng Bay Area Dragons.
Naunsyami ang planong pagbabalik ng Dragons, pero nariyan ang Hong Kong Eastern, two-time Asean League champion club na nakatakdang pumirma ng two-year contract sa PBA.
Kasabay sa paglalaro sa PBA, isusulong ng Hong Kong Eastern ang kampanya bilang expansion team sa EASL, kasama ang Macau Black Bears.
Ang dagdag na saya para sa PBA eh, ang posibilidad na pagdadala ng Commissioner’s Cup games sa Hong Kong.
Magpi-feature ng Hong Kong Eastern home game plus extra games na kinapapalooban ng ibang PBA teams ang posibleng Hong Kong swing.
Ibig sabihin, muling makakapanood ng PBA games ang ating mga kababayan sa Hong Kong.
Imports with unlimited height ang sasalang sa Commissioner’s Cup. Pero malamang na may mga teams pa rin na isasalang ang kanilang resident import gaya ni Justin Brownlee ng Ginebra.
***
- Latest
