Yulo may house and lot na sa Batangas

MANILA, Philippines — Personal nang ibinigay kay world champion Carlos Yulo ang susi at titulo ng house and lot na itatayo sa Batangas.

Ang naturang house and lot ay bahagi ng mil­yun-milyong incentives na natanggap nito sa pagkakapanalo ng dalawang gintong medalya sa Paris Olympics.

Nagkakahalaga ang house and lot ng P6 na mil­yon na bigay ng Century Properties Group bilang pabuya sa karangalang ibinigay ni Yulo sa bansa.

Malaki naman ang pasasalamat ni Yulo sa mga biyayang natatatanggap nito.

“This is it. We made it. My dream to win gold in the Olympics motivated me, and I am thankful that I did not give up and lost faith in God. I’m thankful for the discipline to train every day, even when I felt like giving up,” ani Yulo.

Nangako si Yulo na mas lalo pa itong magsisikap upag mabigyan ng karangalan ang bansa.

Pakay ni Yulo na madepensahan ang kanyang korona sa men’s floor exercise at men’s vault sa 2028 edisyon ng Olympic Games na idaraos sa Los Angeles, California.

Inaasahang matatapos ang brand-new house sa Marso sa 2025.

Itatayo ito sa Batulao, Batangas.

Mayroon itong tatlong kwarto at dalawang bathroom na may laking 70sqm na floor area at 136sqm lot area.

Nagbigay rin ang CPG ng P500,000 donasyon para naman sa programa ng Gymnastics Association of the Philippines (GAP).

“This donation will greatly benefit the grassroots gymnasts I work with about a hundred young athletes aspiring to achieve greatness like Carlos,” ani GAP President Cynthia Carrion.