Ayo-Converge hiwalay na
MANILA, Philippines — Ilang linggo bago ang pagbubukas ng Season 49 PBA Governors Cup ay dinispatsa ng Converge si head coach Aldin Ayo kahapon.
Kasama ni Ayo na sinibak ng FiberXers si first assistant coach McJour Luib.
“It was a mutually agreed decision for both parties to part ways,” sabi ni Converge team manager Jacob Lao. “We are thankful for their dedicated service to the team for almost two years.”
Sa apat na kumperensya ni Ayo ay nagtala ang FiberXers ng 17-28 win-loss record.
Pansamantalang ipinalit ng Converge si veteran Franco Atienza bilang interim head coach.
Naisampa ni Ayo, pumalit kay Jeffrey Cariaso, ang FiberXers sa dalawang quarterfinals stint sa 2022-24 PBA seasons.
Kamakailan ay ginabayan ni Ayo ang Converge sa Kadayawan pocket tournament sa Davao.
Bigo ang FiberXers sa nasabing four-team tourney.
- Latest
