Catantan unang nalagas sa Team Philippines
PARIS — Minalas si Pinay fencer Sam Catantan kay World No. 2 at top-seeded Arianna Errigo ng Italy, 12-15, sa kanilang Table of 32 bout sa women’s foil individual event ng 2024 Olympic Games kahapon.
Nauna nang tinalo ni Catantan si Brazilian Mariana Pistoia, 15-13, sa kanilang Table of 64 match.
Sa kabila ng pagiging World. No. 266 ay ipinakita pa rin ng 22-anyos na Pinay fencer ang kanyang tapang sa pagsagupa kay Errigo.
Sa isang punto ay nakabawi si Catantan mula sa isang four-point deficit sa opening round para agawin ang 5-4 kalamangan kontra sa mas matangkad na Italian bet.
Ngunit ginamit ni Errigo ang kanyang eksperyensa sa second round para iposte ang 13-9 bentahe matapos ang magkasunod na tusok kay Catantan sa huling pitong segundo nito.
- Latest
