6 teams agawan sa unang panalo sa PVL
![6 teams agawan sa unang panalo sa PVL](https://media.philstar.com/photos/2024/07/15/nu_2024-07-15_22-36-10.jpg)
MANILA, Philippines — Anim na koponan ang mag-uunahang makapagtala ng panalo sa pagbubukas ng Premier Volleyball League (PVL) Reinforced Conference ngayon sa Philsports Arena sa Pasig City.
Unang sasalang ang Galeries Tower at Nxled sa alas-2 ng hapon kasunod ang bakbakan ng Chery Tiggo at Farm Fresh sa alas-4 ng hapon.
Sa huling laro sa alas-6 ng gabi ay magkikita ang Creamline at PLDT Home Fibr.
Ang 12 teams ay hinati sa dalawang grupo.
Ang Cool Smashers, Crossovers, Foxies, Highrisers, Chameleons at High Speed Hitters ay nasa Pool A at ang nagdedepensang Petro Gazz Angels, Akari Chargers, Capital1 Solar Spikers, Cignal HD Spikers, Choco Mucho Flying Titans at Zus Coffee Thunderbelles ang nasa Pool B.
Ang mga imports na sasabak sa torneo ay sina Erica Staunton (Creamline), Zoi Faki (Choco Mucho), Khat Bell (Chery Tiggo), Elena Samoilenko (PLDT), Wilma Salas (Petro Gazz), Marina Tushova (Capital1), MJ Perez (Cignal), Oly Okaro (Akari), Asaka Tamaru (Zus Coffee), Yeny Murillo (Farm Fresh) at Monique Helena (Galeries Tower).
Ipaparada rin ng Highrisers, Chameleons, Crossovers, Foxies, Cool Smashers at High Speed Hitters ang kanilang mga bagong players at mga rookies na nakuha sa PVL Draft.
Itatampok ng Nxled sina Trisha Genesis, Bang Pineda at Roselle Baliton matapos ang swap sa sister team na Akari na nakuha sina Ivy Lacsina, Dani Ravena, Kamille Cal at Camille Victoria.
- Latest