St. Benilde paborito uli sa SSL National Invitationals
![St. Benilde paborito uli sa SSL National Invitationals](https://media.philstar.com/photos/2024/07/09/ssl_2024-07-09_23-19-02.jpg)
MANILA, Philippines — Labingdalawang bigating koponan sa buong bansa ang maghahampasan sa 2024 Shakey’s Super League (SSL) National Invitationals na hahataw ngayon sa Ninoy Aquino Stadium.
Bida dito ang UAAP champion National University at reyna ng NCAA na College of St. Benilde, na inaasahang magiging paborito sa 12-team field sa kawalan ng reigning champion na La Salle dahil sa injuries.
At wala nang pasa-pasakalye sa mga koponan mula sa UAAP, NCAA, Luzon, Visayas at Mindanao na magsasagupa na agad sa five-game opener ngayon sa pangunguna ng University of San Carlos at Letran sa alas-10 ng umaga.
Idaraos ang simpleng opening ceremony sa alas-11 ng umaga bago magpatuloy ang aksyon tampok ang duwelo ng NU at Enderun sa alas-12 ng tanghali, University of Batangas at UST sa alas-2 ng hapon at University of Southern Philippines Foundation kontra sa Far Eastern U sa alas-4 ng hapon.
Inaasahan ang matinding bakbakan sa mga koponan na lalong magpapalago sa women’s volleyball sa bansa, ayon sa Shakey’s Pizza Asia Ventures (SPAVI) at Athletic Events and Sports Management (ACES).
“I’m glad to be back and it’s my honor and privilege to be here seated with the stakeholders of the Philippine volleyball and SSL. I’d like to thank all of you and let’s look forward to this genuinely exciting and competitive league,” ani ACES chairman Dr. Philip Ella Juico.
Mapapanood sa Smart Sports Livestream, Puso Pilipinas at Solar Sports sa TV ang lahat ng laro ng SSL tampok din ang 12 Beyond Media sa pangunguna ni Patricia Bermudez-Hizon at Smart Communications sa pamumuno ni Bajjie Del Rosario.
- Latest