Kiefer Ravena mananatili sa Japan B.League
MANILA, Philippines — Mula sa Shiga Lakes ay lumipat si Pinoy import Kiefer Ravena sa Yokohama B-Corsairs para sa darating na 2024-25 season ng Japan B.League first division.
Makakasama ni Ravena sa Yokohama si superstar guard Yuki Kawamura na hinirang na 2023 B.League Most Valuable Player.
Nauna nang naglaro si 7-foot-2 Kai Sotto para sa B-Corsairs at nakatambal si Kawamura.
Tinulungan naman ng 6’1 na si Ravena ang Shiga sa pagkopo sa B2 title sa nakaraang season kung saan na-promote ang Lakes sa Japan B.League first division.
Humataw ang dating NLEX Road Warrior guard ng mga averages na 12.4 points, 5.5 assists at 2.8 rebounds sa kanyang final year para sa Shiga.
Nakatakda ring maglaro ang dating Ateneo Blue Eagles playmaker para sa Strong Group Athletics sa parating na Jones Cup sa Taiwan sa susunod na buwan.
- Latest
