Olympic champ saludo kay Catantan
MANILA, Philippines — Saludo kay Southeast Asian Games gold medalist Samantha Catantan si reigning Olympic champion Lee Kiefer na isang Filipino-American fencer.
Galing si Catantan sa matamis na pagkopo ng tiket sa Paris Olympics matapos pagreynahan ang event nito sa Asian & Oceania Olympic Qualification Tournament (OQT).
Mabilis itong nabalitaan ni Lee.
Kaya naman agad itong nagpadala ng mainit na mensahe kay Catantan sa social media para maiparating ang kanyang congratulatory message.
Si Lee ay isang Fil-Am fencer ngunit bahagi ito ng US national fencing team.
Alam ni Lee ang pinagdaanan ni Catantan na nagtamo ng Anterior Cruciate Ligament (ACL) noong nakaraang taon at sumailalim sa operasyon.
Ilang buwan din itong dumaan sa rehabilitasyon bago nakabalik sa porma.
“You are inspiration. Huge congrats from Gerek and me! Hoping the best for your knee,” ani Lee.
Si Gerek Meinhardt ang kasintahan ni Lee. Isa rin itong miyembro ng US Olympic Team.
Nagpasalamat naman si Catantan sa magandang mensahe ni Kiefer.
Nagkakilala sina Catantan at Kiefer sa 2022 Fencing World Championships sa Cairo, Egypt.
Ang ina ni Lee ay mula sa Davao City.
- Latest
