Slam Dunk Contest papalitan sa All-Star Weekend

MANILA, Philippines — Hindi masisilayan sa taong ito ang Slam Dunk Contest sa 2024 PBA All-Star Weekend sa Bacolod City.

Bilang kapalit, idaraos ang Three-Point Shootout para sa mga bigmen.

Bumabandera sa listahan ng mga kalahok sa Three-Point Shootout sina Jason Perkins ng Phoenix, Sean Anthony ng NLEX at Keith Datu ng Rain or Shine.

Kasali rin sina Christian David ng Blackwater, Ralph Cu ng Ginebra, Keith Zaldivar ng Converge, Aris Dionisio ng Magnolia at Brandon Bates ng Meralco.

Pasok din sina JM Calma ng NorthPort, Moala Tautuaa ng San Miguel Beer, Isaac Go ng Terrafirma at Brandon Ganuelas-Rosser ng TNT.

Sa regular Three-Point Shootout, dedepensahan ni Paul Lee ng Magnolia ang korona nito habang hahataw din si 2023 Three-Point Shootout runner-up Marcio Lassiter ng San Miguel.

 Lalaruin ang All-STar Weekend sa Marso 23 hanggang 24 sa University of Saint La Salle Coliseum sa Bacolod City.