In The Zone, Speed Fantasy mananapaw sa ‘Japan Cup’ race
MANILA, Philippines — Magtatambalan ang In The Zone at Speed Fantasy upang kasahan ang ibang nagsaad ng paglahok sa 2024 PHILRACOM “Japan Cup”na ilalarga sa Metro Turf, Malvar sa Tanauan City, Batangas sa Pebrero 4.
Maliban sa In The Zone at Speed Fantasy ang ibang nagsaad ng pagsali ay ang Darleb, Bombay Nights, Kazachan, Pharoahs Treasure at Senshi Spirit.
Malaki ang tsansa na sumilat sa asam na korona ng In The Zone at Speed Fantasy ay ang Darleb sa event na suportado ng Philippine Racing Commission, (PHILRACOM).
May nakalaan na P1M guaranteed prize na ikakalat sa unang apat na kabayong tatawid sa meta sa distansyang 1,800 meter race, sasakyan ni RJC Tabor ang In The Zone habang si Pabs Cabalejo ang rerenda sa Speed Fantasy.
Base sa komento ng mga karerista sa social media, posibleng magpakitang gilas ang matulin na Senshi Spirit na sasakyan ni former Philippine Sportswriters Association, (PSA) - Jockey of the Year awardee Patricio Ramos Dilema.
Si NC Lunar naman ang gagabay sa Darleb.
Defending champion ang Righteous Ruby sa nasabing event, hindi nga lang kasali dahil niretiro na ito ng kanyang connections nito lang Enero.
- Latest
