Murray sinapawan si Doncic at Mavs
DALLAS, Philippines — Kumamada si Dejounte Murray ng 30 points habang kumolekta si Trae Young ng 18 points at 12 assists para banderahan ang Atlanta Hawks sa 130-122 pagbugbog sa Mavericks.
Nagdagdag si forward John Collins ng 19 points para sa season-best na ikaapat na sunod na ratsada ng Atlanta (23-22).
Pinamunuan ni Luka Doncic ang Dallas (24-22) sa kanyang 30 points habang humakot si big man Christian Wood ng 22 points at 9 rebounds.
Ipinasok ni Murray ang isang three-point shot sa huling minuto ng fourth period para sa 124-120 bentahe ng Hawks kasunod ang floater ni Young sa natitirang 41 segundo para iwanan ang Mavericks sa 126-120.
Sa Memphis, ang tip in ni center Steven Adams sa huling 16 segundo ang naglusot sa 115-114 panalo ng Grizzlies (31-13) laban sa Cleveland Cavaliers (28-18) para sa kanilang ika-11 sunod na panalo.
Sa New Orleans, kumolekta si big man Bam Adebayo ng 26 points para tulungan ang Miami Heat (25-21) sa 124-98 pagdaig sa Pelicans (26-19).
Sa Los Angeles, tumipa si De’Aaron Fox ng 32 points para ihatid ang Sacramento Kings (25-18) sa 116-111 pananaig sa Lakers (20-25).
- Latest
