Na-miss ng fans ang volleyball

Ilang araw na ang nakalilipas, pero hindi pa rin ako maka-get-over sa record crowd ng katatapos lang na Open Conference ng Premier Volleyball League.

Talagang sabik na sabik ang mga volleyball fans na nagtala ng record sa MOA Arena.

Tinalo pa ng mga volleyball fans ang mga basketball fans sa kanilang 16,000 plus crowd na nanood sa Game 2 ng semifinals. Tinatayang 14,000 katao rin ang nanood sa Game 1 ng finals.

To think na very much alive pa ang COVID-19. Wa­lang keber ang mga fans sa pagsugod sa venues.

Sayang nga lang at sa Ynares Center sa Antipolo gi­nanap ang championship game noong Biyernes. Siguradong record breaking uli ito kung sa MOA o sa Smart Araneta Coliseum ginanap. Baka nga kaya pang punuin ang Philippine Arena kung nagkataon.

Buti naman at hindi hinaluan ng politika ang kulay ng mga fans. Hindi nasira ang ganda ng kulay ng ta­gumpay ng Creamline.