Naka-2 gold medals si De los Santos
MANILA, Philippines — Hindi maawat si world No. 1 Orencio James De Los Santos sa paghakot ng gintong medalya matapos kumana na naman ng dalawa pang gintong medalya sa online tournaments para sa kanyang kabuuang 21 gold sa taong ito.
Nasungkit ni De Los Santos ang ika-20 ginto nang pagharian nito ang eKarate World Series third leg makaraang pataubin nito si Domont Matias Moreno ng Switzerland sa finals sa pamamagitan ng gitgitang 24.7-24.6 desisyon.
Muling umariba si De Los Santos para mama-yagpag sa Okinawa eTournament World Series second leg nang itakas nito ang isa na namang dikitang 25.32-25.28 panalo laban kay Abdellatif Choukri ng Morocco sa gold-medal match para sa kanyang ika-21 ginto.
“I admit these two tournaments were close matches. But this makes me want to train and prepare even harder for the next tourneys to come. On to the next one,” ani De Los Santos na sunod na lalahukan ang Sportsdata eTournament World Series na malaki ang puntos na ibinibigay sa Top 3 finishers.
- Latest
