Yumaong sports personalities gugunitain sa PSA Awards

MANILA, Philippines — Gugunitain ang mga personalidad at kaibigan ng Philippine sports na pumanaw noong nakaraang taon sa San Miguel Corporation-Philippine Sportswriters Association (SMC-PSA) Annual Awards Night sa Sabado.

Pararangalan ang mga athletes, coaches, officials at supporters ng local sports sa isang posthumous recognition sa virtual rite sa TV5 Media Center.

Ilan sa mga ito ay sina dating Ambassador at basketball godfather Eduardo ‘Danding’ Cojuangco, national team coaches Januario ‘Aric’ Del Rosario at Nic Jorge, Olympians Alfonso ‘Boy’ Marquez at Orlando ‘Orly’ Bauzon, grand matriarch of Philippine boxing Laura Elorde at dating PSA president at Philippine Daily Inquirer sports at senior news desk editor Teddyvic Melendres.

Ilang minutong katahimikan at isang special video presentation ang ipapalabas para sa kanilang alaala sa sa event na inihahandog ng San Miguel Corporation (SMC) katuwang ang Philippine Sports Commission (PSC) at Cignal TV.

Ipapalabas ang kauna-unahang virtual PSA Awards Night sa Linggo ng alas-7 ng gabi sa OneSports+.

Ang iba pang bibigyan ng posthumous award ay sina Inaki Vicente, Arianne Caoili, Salvador ‘Buddy’ Andrada, Maui Huelar, Jomar Ang, Domingo ‘Coach Waray’ Villanueva, Gene Poliarco, Alexander Lim, Bea Luna, Junel Mendiola, Ollie Ongtawco, Yana Bautista, Oscar ‘Dodong’ Bascon at iba pa.