Conley pumalit kay Booker

NEW YORK — Pinalitan ni Utah Jazz point guard Mike Conley si Phoenix Suns guard Devin Booker sa Team Durant para sa 2021 NBA All-Star Game sa State Farm Arena, Atlanta.

Nagdesisyon si NBA Commissioner Adam Silver na tapikin si Conley bilang kapalit ni Booker.

Ito ay dahil nagkaroon si Booker ng left knee sprain na nangyari sa first quarter sa panalo ng Suns laban sa Golden State Warriors noong Huwebes..

Bukod sa All-tar Game ay hindi na rin makakasali si Booker sa Three-Point contest kung saan makakaharap sana niya si Stephen Curry ng Warriors.

Nauna nang kinuha si Booker bilang isang injury replacement kay Los Angeles Lakers forward Anthony Davis na mayroong calf strain at Achilles tendinosis.

Ang 33-anyos na si Conley ang ikatlong Jazz player na maglalaro sa 2021 NBA All-Star Game bukod kina Donovan Mitchell at Rudy Gobert.

Ito ang unang All-Star Game ni Conley, nasa kanyang ika-14 season. Papalitan din ni Conley si Booker sa 3-point contest.

Samantala, pumayag si six-time NBA All-Star Blake Griffin sa contract buyout sa Detroit Pistons at magiging isang unrestricted free agent.