Perlas Spikers nagpalakas
MANILA, Philippines — Nagpalakas din ang Perlas Spikers nang hugutin nito si Far Eastern University (FEU) middle blocker Czarina Carandang para sa nakatakdang pagbubukas ng Premier Volleyball League (PVL) season sa Abril.
Bagama’t may isang taong playing eligibility pa sa UAAP, nagpasya ang 5-foot-7 player na lisanin na ang Lady Tamaraws upang pasukin ang professional volleyball kasama ang Perlas Spikers.
“Exciting to see a different kind of Pearl power as Cza Carandang prepares to bring the swag to Perlas’ side of the court. Welcome to the team Cza,” ayon sa statement ng Perlas Spikers.
Nasa Perlas Spikers na rin ang kasamahan ni Carandang sa FEU na sina playmaker Gel Cayuna at Heather Guinoo gayundin ang bagong recruits na sina Cherry Rose Nunag, Thang Ponce at Jellie Tempiatura.
Makakasama nila sina Perlas Spikers holdovers Nicole Tiamzon, Dzi Gervacio, Kat Bersola, Sue Roces, Jem Ferrer at Gizelle Tan.
Hahataw ang Perlas Spikers laban sa PVL teams na kani-kanya rin ang pagpapalakas ng lineup partikular na ang PetroGazz Angels na loaded ng mga veteran players.
- Latest
