8-kabayo magtatagisan sa 3YO Maiden race
MANILA, Philippines — Mag-uunahan sa meta ang walong tigasing batang kabayo para paglabanan ang nakatayang premyo sa Three-Year-Old & Above Maiden Race ngayong araw sa Santa Ana Park sa Naic, Cavite.
Nakataya ang P40,000 added prize sa mananalo kabayo, paniguradong maraming susuporta sa kalahok na Narrative at magka-kuwadrang Bourne Wardeni at Kess Mai Doug.
May distansyang 1,300 meter race, ang nasabing event ay suportado ng Philippine Racing Commission, (PHILRACOM).
Maraming karerista sa facebook page ng karera ang nagkomentong malaki ang tsansa ng Narrative na manalo sa laban.
Rerendahan ni star jockey Jeffrill Zarate ang Narrative, mapapalaban ang mga ito sa lima pang kalahok.
Ang ibang kasali na naghahangad na sumilat sa mga nabanggit na kabayo ay ang Batang Cabrera, Hot Ticket, Always Dreaming, Ninong at Sweet Maxinne.
Hahamigin ng second at third placers ang P10,000 at P5,000 ayon sa pagkakasunod.
- Latest
