Daquis may pa-exercise sa quarantine facility ng Pasig

MANILA, Philippines — Ginawang mas makabuluhan ni Cignal HD Spi-kers opposite hitter Rachel Anne Daquis ang kanyang libreng oras.

Kasabay ng pagdiriwang ng Araw ng Pasig noong Martes, si Daquis ang nanguna sa morning exercises ng mga COVID-19 patients ng lungsod sa Rizal High School na isa sa mga quarantine facility.

“Morning Exercise with the Pasigueños. Do you know that exercise in general can help boost your body’s natural defenses against illness and infection. Stay Fit, Stay Safe and Stay Awesome Everyone. Thank you Mayor @vicosotto and Doc Gar Eufemio for inviting me. Maligayang Araw ng Pasig!” caption niya sa photos at video clip na kanyang pinost sa Instagram.

Nagpasalamat naman ang batang mayor ng Pasig na si Vico Sotto sa ginawang effort ng volleyball superstar para mapasaya ang ilang pasyente na kanilang inaalagaan.

“Thank you for making our patients happy! Some of them have been away from their families for weeks. Thank you also to Doc Gar for making this possible,” comment ni Sotto.

Tila kinilig ang ilang fans at may  hashtag #ViChel ang mga ito - hango sa pinagsama nilang pangalan. Nauna ng naiugnay ang batang Pasig Mayor sa isa pang balibolista na si Gretchen Ho nang makita silang magkatabi habang nanonood ng volleyball games noong SEA Games sa PhilSports Arena.