Mercado maaaring maglaro sa Alab

MANILA, Philippines — Posibleng ma­ging san­­data si Sol Mercado ng Alab Pi­lipinas sa 2019-2020 ASEAN Bas­ket­ball League.

Ito ay matapos siyang sumali sa pagsasanay ng Philippine contingent habang wala pang kasiguru­han ang kanyang stint sa Philippine Basketball Association.

Bagama’t inamin naman ni Mercado na ina­lok na siya ng roster spot sa Alab ay wala pa siyang pi­nal na desisyon dahil ba­hagi lamang ito ng kan­yang pagpapanati­ling kundisyon sakaling magkaroon ng bagong oportu­nidad.

Ang isang oportunidad na tinutukoy ni Mercado ay ang PBA return niya na nadiskaril matapos hin­di maplantsa ang kontrata sa Phoenix.

Nalipat si Mercado mu­la sa NorthPort sa ka­sagsagan ng offseason patungo sa Phoenix kapalit nina LA Revilla at Rey Guevarra.

Ngayon ay patuloy ang kanyang trai­ning sa San Miguel-backed franchise sa ilalim ni head coach Jimmy Alapag na malapit niyang kaibigan.

Nasa Alab din ang long-time teammate niya sa Barangay Ginebra na si import Justin Brownlee.

Nananatiling bukas ang options ng beteranong guwardiya kung ba­balik sa PBA o lalaro mu­na para sa Alab sa na­titirang bahagi ng 2020 Season.

Bukas magsisimula ang 2020 PBA Philippine Cup sa Smart Araneta Co­­liseum.