Celebrity team wagi sa PBA Legends

MANILA, Philippines — Sumandal ang Team Celebrity sa pagbibida ni actor Rayver Cruz para gu­latin ang PBA Legends and UNTV players, 102-101, sa Wish Olympics no­ong Linggo sa Smart Ara­neta Coliseum.

Humataw si Cruz ng 23 points para pamunuan ang celebrity squad sa event na inorganisa ng Wish 107.5 sa pamumuno ni President at CEO Dr. Daniel Razon bilang tulong sa mga pamilya na­apektuhan ng pagputok ng Taal Volcano noong Ene­ro.

Nakahugot si Celebri­ty team coach Emman Monfort ng tig-17 mar­kers ki­na actor Axel Torres at singer Young JV pa­ra talunin ang PBA Le­gends-UNTV selection ni Allan Caidic.

Tumipa si Caidic ng 25 points at may 12 at 11 markers sina Chris Ca­la­guio at Jayjay Helterbrand, ayon sa pagkaka­su­nod, sa one-day event.

Samantala, tinulu­ngan naman ni dating Ateneo star at ngayon ay TV presenter na si Gretchen Ho ang Team Black sa 26-24, 17-25, 25-18, 10-25, 15-09 pag­gi­ba sa Team Orange.