Bataan ‘di mapigilan
Balanga City, Philippines — Nilimitahan ng Bataan Risers ang General Santos Warriors sa dalawang puntos sa huling dala-wang minuto at 50 segundo ng fourth period para tangayin ang 74-66 panalo sa Chooks-to-Go MPBL Lakan Season kamakalawa ng gabi dito sa Bataan People’s Center.
Itinaas ng Risers ang kanilang kartada sa 19-9 sa North division tampok ang five-game winning streak.
Mula sa 64-64 pagkakatabla ay umiskor si Reed Juntilla ng back-to-back layups para sindihan ang 10-point salvo ng Bataan patungo sa pagpapalasap sa GenSan ng pang-16 kabiguan sa 26 laro sa South division.
Samantala, tinalo ng Zamboanga Fami-ly’s Brand Sardines ang Muntinlupa Cagers, 75-63, samantalang pinadapa ng Pasay Voyagers ang Biñan City Luxxe White Krah, 68-57.
Nakakuha ang Zamboanguenos ng 23 points kay Alvin Pasaol.
- Latest
