Letran sasagupa sa San Sebastian sa stepladder semifinal round

MANILA, Philippines — Haharapin ng No. 3 seed Letran ang No. 4 seed San Sebastian sa unang playoff round ng step­­ladder semifinals sa Season 95 NCAA men’s basketball tournament sa Cuneta Astrodome sa Pasay City.

Nakatakda ang pagtutuos ng Knights at Stags ngayong alas-4 ng hapon, habang sa junior’s division magtatagpo naman ang No. 1 seed San Beda Red Cubs at CSB-LSGH Greenies sa alas-10 ng uma­­ga kasunod ang laban ng Lyceum Junior Pirates at San Sebastian Staglers sa ala-1 ng hapon.

Nauwi sa steplad­der format ang semifinals ma­ta­pos walisin ng ‘three-peat’ champions na San Be­da Red Lions ang double-round elimi­na­tion para dumiretso sa best-of-three Finals, habang ang Knights at Stags ay maglalaban sa unang playoff at ang magwawagi ay haharap sa No. 2 Lyceum Pirates sa ikalawang playoff round.

Tumapos naman ang Letran sa elims bilang No. 3 seed sa 12-6 kartada at pang-apat ang San Sebastian sa 11-7 marka, habang No. 2 seed ang Ly­ceum na may 13-5 record sa likuran ng Red Lions na hawak ang malinis na 18-0 baraha.

Halos patas lamang ang tsansa ng Knights at Stags dahil 1-1 sila sa dalawang beses na pagta­tagpo sa elimination kung saan nagwagi ang San Se­bastian, 102-101, via overtime noong Agosto 20.

Ngunit bumawi naman ang Letran ni coach Bonnie Tan sa ikalawang paghaharap, 99-82, no­ong Setyembre 20 kaya kapwa nagpahayag ang dalawang koponan ng mala­king tiwala na uma­bot sa ikalawang playoff round kontra sa Lyceum sa Biyernes sa parehong ven­ue.

Inaasahan din ang ma­­­gandang laban dahil may mahigit 17 araw ang Knights at Stags na paghahanda bago ang ka­nilang pagtatagpo sa stepladder semis.

Ang huling laro ng Stags ay laban sa Perpe­tual Help Altas, 99-94, no­ong Oktubre 18, habang ang huling laban ng Knights ay kontra sa Emilio Aguinaldo Gene­rals, 87-79, noong Oktubre 17.