Bacoor wagi laban sa Imus

MANILA, Philippines — Pinaluhod ng Bacoor Strikers ang karibal na Imus Bandera, 90-79, sa MPBL Datu Cup kamakalawa ng gabi sa Cu­­neta Astrodome sa Pa­say City.

Nagtuwang sina Rocky Acidre at Gab Ba­nal sa fourth quarter para ibigay ang ikatlong sunod na ratsada ng Strikers at itaas ang kanilang kartada sa 11-9.

Hawak ng Bacoor ang No. 5 spot sa Sou­thern Division.

Umiskor sina Acidre at Banal ng tig-16 points para sa Bacoor, naghulog ng 13-4 bomba laban sa Imus sa dulo ng final canto para tiyakin ang kanilang tagumpay.

Sa unang laro, tinalo ng Marikina ang Pasay, 71-69.