Lou Williams nagbida sa Clippers
![Lou Williams nagbida sa Clippers](https://media.philstar.com/images/articles/lou-williams_2018-10-08_02-05-32.jpg)
LOS ANGELES -- Nagsalpak si guard Lou Williams ng magandang 3-of-4 shooting mula sa three-point range at tumapos na may 19 points para pamunuan ang Clippers sa 103-87 paggupo sa Lakers sa NBA preseason play.
Nagdagdag si Tobias Harris ng 18 points at 8 rebounds para sa Clippers habang may tig-12 markers sina Montrezl Harrell at rookie Shai Gilgeous-Alexander.
Binanderahan naman ni Kyle Kuzma ang Lakers mula sa kanyang 15 points kasunod ang tig-10 markers nina Brandon Ingram at Kentavious Caldwell-Pope.
Ipinahinga ng Lakers si LeBron James.
Sa Cleveland, nagpasabog si Ante Zizic ng 20 points mula sa 7-of-8 fieldgoal shooting para tulungan ang Ca-valiers sa 113-102 panalo laban sa Boston Celtics.
Nagdagdag si Collin Sexton ng 13 points mula sa kanyang 4-of-6 fieldgoal clip kasama ang perpektong 2-of-2 sa 3-point line para sa Cleveland.
Nagtala naman si Fil-Am Jordan Clarkson ng 12 points, 6 rebounds at 3 assists sa loob ng 14 minuto, habang may 10 markers si Larry Nance Jr. sa ikalawang sunod na panalo ng Cavaliers.
Umiskor sina Marcus Morris at Terry Rozier ng tig-17 points para sa Boston, samantalang kumuha si Al Horford ng 10 points at 7 assists.
Sa Memphis, kumamada si Jaren Jackson Jr. ng 18 points at nalampasan ng Grizzlies ang Indiana Pacers sa overtime, 109-104.
Kumolekta si Wayne Selden ng 16 points, 9 assists at 2 steals para sa Memphis.
Nag-ambag naman sina Garrett Temple at Japanese Yuta Watanabe ng tig-11 markers.
Humakot si Domantas Sabonis ng 17 points, 14 rebounds at 4 assists sa panig ng Pacers habang nagsalpak si No. 23 overall pick Aaron Holiday ng apat na tres at tumapos na may 20 markers.
- Latest