Go humihingi ng extra day sa mga Asiad organizers
PALEMBANG — Hihilingin ni Philippine Canoe Kayak Dragon Boat Federation president Jonne Go sa mga organizers ng 18th Asian Games na bigyan ang kanyang mga dragon boat paddlers ng isang araw na ensayo para magamay ang competition venue.
Kagaya ng karamihan ng mga sport ay nilimitahan ng organizers ang practice times ng lahat ng koponan maliban sa kanilang tropa.
Ang dragon boat squads ng Pilipinas ay binigyan lamang ng isang araw para mag-ensayo noong Sabado sa Jakabaring Sports City Lake.
“I got a text from coach Lenlen (Escollante) informing me that we are only allowed to train on the 24th, or one day before the competition,” wika ni Go matapos dumating dito noong Lunes. “Nagtataka ako kung bakit.”
“I have always said that the host country will always have the advantage, but one-day training for other countries for me is not reasonable. Dapat at least two to three days. Even if you ask the countries they will say the same,” dagdag pa nito.
Ayon sa PCKDBF chief, hindi sapat ang isang araw na ensayo para makuha ng mga national dragon paddlers ang race conditions.
- Latest
