May angat na kabayo sa unang 6-karera

MANILA, Philippines — Sapul ang mga paboritong tatakbo sa unang anim na karera mamaya dahil kitang-kita ang mga angat na kabayo sa kanilang mga kalaban.

Unang karera palang ay patok na kaagad sa Winner Take All ang kabayong Tip Toes na sasakyan ulit ni Jockey JD King Flores dahil sa impresibong panalo nito noong July 22 2018 ng mahigit sa anim na kabayo.

Sa ikalawang karera ay pusoy din sa KT ang Winning Move dahil kaya nitong gumawa ng 1:13 sa 1,200m na hindi pa nagagawa ng kanyang mga kalaban. 1:14 na ang pinakamalapit na pruweba na ginawa ng kabayong Dixie Storm.

Lamang din sa laban ang Multi Awardee na sasak-yan ni Jockey JL Lazaro dahil nasegundo ito sa Jun Tailor noong July 24 pero sa pista ng San Lazaro sa Carmona, Cavite naganap ang nasabing karera. Dahil doon, lamang din sa laban ang Multi Awardee kaya siguradong dito mapupunta ang karamihan sa taya ng bayang karerista.

Sa ikaapat na karera naman ay siguradong liyamado ang kabayong Fort Mckinley dahil tinalo na niya ang makakalabang Classic Gee noong June 15 pero sa pista ng San Lazaro ito naganap.

Nakakalamang lang ang tambalan ng Fort Mckinley at Jockey JG Serrano dahil malamang na magkaroon ng Bakbakan sa harapan sa pagitan ng kabayong Classic Gee at kabayong Hardliner na rerendahan naman ni Jockey Ra Base.

Two in One naman sa ikalimang karera dahil couple entries ang kabayong Big Nevada at Significant Play na patok din sa KT dahil sa panalo ng huli noong nakaraang takbo kung saan magkasama rin sila sa nasabing karera.

Paborito rin ang kabayong Nash And Ryan sa ikaanim na karera dahil galing ito sa magandang panalo noong July 11 sa parehas na pistang tatakbuhan ngayon.

Nakapagtala ito ng pruwebang 1:13 sa 1200m na hindi pa nagagawa ng ibang kalahok na makakalaban nito na halos puro baguhan dahil kakababa palang nito galing sa Special Maiden Group Race kung saan napupunta ang mga kabayong nanalo na sa kanilang Maiden Race Assignments. - Vince ‘Palos’ Nuguid