Marestella delikado sa Asian Games
MANILA, Philippines — Kung magiging mapanganib ang leg injury ni long jump queen Marestella Torres-Sunang ay posibleng hindi siya makalaro sa darating na 2018 Asian Games sa Jakarta at Palembang, Indonesia.
Ayon kay Philippine Athletics Track and Field Association president Philip Ella Juico, sasailalim ang three-time Olympian sa MRI.
Sa naturang pagsusuri sa estado ng leg injury ni Torres-Sunang ay madedetermina kung makakalaro siya sa athletics competition ng 2018 Asian Games na nakatakda sa Agosto 25-30.
“Tinanggal ang tubig sa tuhod pero maga pa rin and I’m worried baka hindi makasama,” sabi ni Juico kahapon sa Patafa Weekly Relays sa Philsports Arena sa Pasig City. “We’re arranging MRI for her but I’m afraid, I’m apprehensive baka hindi maka-recover,” dagdag pa nito.
Kung hindi makakasali si Sunang sa Asaid ay kukuha si Juico ng kapalit na isasama sa pambansang delegasyon.
“Kung ganyan, I might ask that she’ll be replaced, I don’t know, by another person, another gender or another event, I’ll have to check,” ani Juico.
- Latest
