Tropang Texters niyupi ang Dyip

MANILA, Philippines — Tila naging ensayo la­mang para sa Tropang Tex­ters ang kanilang laro kahapon sa MOA Arena sa Pasay City.

Inilampaso ng TNT Ka­tropa ang Columbian Dyip, 100-80, para ma­kisosyo sa liderato ng 2018 PBA Commissio­ner’s Cup.

Anim na players ang tumapos sa double-fi­gures sa pangunguna ng 21 points ni Troy Rosario para sa pang-limang pa­na­lo ng Tropang Texters.

Nagdagdag naman si Terrence Romeo ng 19 markers kasunod ang tig-11 points nina balik-import Josh Smith, Jericho Cruz, Kelly Williams at Don Trollano.

Naglaro lamang ang ma­lapad na si Smith, pu­malit kay Jeremy Tyler, sa loob ng 11 minuto.

Nalasap naman ng Dyip ang kanilang ikalawang sunod na kabiguan sa pitong laro.

Ipinoste ng TNT Ka­tropa ang 36-17 bentahe sa first period hanggang iwa­nan ang Dyip, nakahugot ng 34 points kay import John Fields, bitbit ang 72-40 kalamangan sa halftime.