Arellano volleybelles nakisalo sa liderato
MANILA, Philippines – Tinalo ng Arellano University Chiefs ang Emilio Aguinaldo College Generals, 25-21, 25-22, 25-13 kahapon upang makisosyo sa liderato sa men’s division ng 92nd NCAA volleyball tournament na ginanap sa FilOil Flying V Center sa San Juan City.
Sa panalo ng Arellano Chiefs, umangat sila sa three-way tie sa itaas ng standings kasama ang Mapua Cardinals at San Beda College Red Lions sa parehong 2-0 slate.
Ipinakita ni team captain Bernasid Latip ang ma-lakas na palo para sa kanilang ikalawang sunod na panalo. Tumapos si Latip at John Joseph Cabilan na may parehong tig-11 puntos bawat isa para sa larong tumagal ng isang oras at ilang minuto lamang.
Dahil sa kanilang talo, ang EAC Generals na kampeon sa men’s division noong 2014-2015 season at runner-up noong nakaraang taon ay nalaglag sa hulihan ng standing sa 0-2 card.
Sa women’s division, nagwagi ang Arellano Lady Chiefs kontra sa EAC Lady Generals, 25-14, 25-11, 25-19, para itala ang kanilang unang panalo sa dalawang laro.
- Latest
