PXC fighters panauhin sa PSA Forum ngayon

MANILA, Philippines – Bibisita sina PXC fighters Wesley Machado at Rex de Lara kasama ang mga opisyales ng National Basketball Training Center sa Philippine Sportswriters Association forum ngayong umaga sa Shakey’s Malate.

Ito ang unang sesyon ngayong taon ng weekly forum na inihahandog ng San Miguel Corp., Accel, Shakey’s at Philippine Amusement and Gaming Corp.

Makakasama nina Machado at De Lara si PXC director for fight operations Robert San Diego.

Nakatakda ang event sa Jan. 16 sa Solaire Resort and Casino simula sa alas-8 ng gabi.

Tatalakayin naman ang NBTC program nina program director Eric Altamirano at selection committee head Ato Badolato kasama sina players Mike Tolomia ng Far Eastern University at Baser Amer ng Meralco.

Hinihikayat ni PSA president Riera Mallari ng Manila Standard ang mga miyembro na dumalo sa pang alas-10:30 ng umagang sports forum.