Painters, Texters sa knockout stage
MANILA, Philippines – Hindi ikinatuwa ni coach Yeng Guiao ang ipinakita ng No. 3 Rain or Shine laban sa No. 10 Blackwater sa kanilang quarterfinals match.
Matapos ilista ng Elasto Painters ang 13-point lead, 47-34, sa second period ay pinabayaan nilang makatabla ang Elite sa 75-75 sa 7:41 minuto ng fourth quarter mula sa tirada ni Carlo Lastimosa.
Ngunit sa dulo ay nagawa ng Rain or Shine na ipagpag ang Blackwater, 95-90, para umabante sa knockout phase ng 2015-2016 PBA Philippine Cup kagabi sa Mall of Asia Arena sa Pasay City.
“If we keep playing like this, we may end up not making it to the next round,” sabi ni Guiao. “If we want to make the semifinals, we have to play better (than this).”
Humawak ang Elasto Painters ng ‘twice-to-beat’ advantage kontra sa Elite.
Sa ikalawang laro, tinalo ng No. 6 Talk ‘N Text Tropang Texters ang No. 7 NLEX Road Warriors, 90-88.
Magtutuos ang Rain or Shine at ang Talk ‘N Text sa knockout stage kung saan ang mananalo ang lalaban sa No. 2 San Miguel, ang nagdedepensa sa korona, sa best-of-seven semifinals series.
Kumamada si Jeff Chan ng 17 points, habang may 16 si JR Quiñahan kasunod ang tig-11 nina rookie guard Maverick Ahanmisi at center Raymond Almazan.
Nakabangon ang Blackwater sa likod ni Lastimosa, umiskor ng 35 markers at nabigong pantayan ang kanyang career-high na 38 points.
Maglalaban naman ngayong alas-5 ng hapon ang Barangay Ginebra at Globalport sa knockout para madetermina ang haharap sa No. 1 Alaska sa isa pang semifinals series.
Ang game-winning three-point shot ni LA Tenorio ang gumiya sa No. 4 Gin Kings sa 92-89 overtime win laban sa No. 9 Star Hotshots, habang tinalo ng No. 5 Batang Pier ang No. 8 Barako Bull Energy, 94-85, noong Biyernes.
RAIN OR SHINE 95 - Chan 17, Quiñahan 16, Ahanmisi 11, Almazan 11, Cruz 9, Norwood 8, Belga 7, Tiu 6, Ponferrada 4, Trollano 4, Ibañes 2, Teng.
Blackwater 90 - Lastimosa 35, Dela Cruz 11, Erram 11, Reyes 9, Gamalinda 6, Agovida 5, Cortez 5, Golla 4, Ballesteros 2, Melano 2, Cañada 0, Vosotros 0.
Quarterscores: 17-14; 44-34; 69-60; 95-90.
TALK ‘N TEXT 90 - Rosario 20, Seigle 17, Reyes R. 12, Castro 10, Fonacier 10, Williams 9, Miranda 3, Tautuaa 3, Aban 2, Carey 2, Rosser 0, Reyes J. 0.
NLEX 88 - Taulava 22, Anthony 17, Villanueva J. 13, Lanete 9, Alas 7, Borboran 7, Khobuntin 7, Cardona 5, Enciso 1, Camson 0, Reyes 0, Villanueva E. 0.
Quarterscores: 11-21; 36-36; 61-67; 90-88.
- Latest
