Ho, Nagaowa bisita sa PSA Forum
MANILA, Philippines – Papagitna ang beach volleyball sa Philippine Sportswriters Association (PSA) Forum ngayong umaga sa Shakey’s Malate.
Pamumunuan ni volleyball star Gretchen Ho ang guests list sa kanyang pagtalakay sa Beach Volleyball Republic Christmas Open sa Dec. 18-20.
Makakasama ni Ho sa public sports program na isinasaere sa DZSR Sports Radio 918 sina karatekas Alvin Parvinfar at KZ Santiago, nagwagi ng gold medals sa Turkey International Open.
Bibisita din si Jujeath ‘Bad Girl’ Nagaowa na sasagupa kay champion Nao Ikeyama ng Japan para sa WBO female atomweight title sa Dec. 19 sa Colombia, Sri Lanka.
Ang iba pang dadalo sa sesyon na suportado ng San Miguel Corp., Accel, Shakey’s, at Philippine Amusement and Gaming Corp. ay sina Sparta’s owner Amanda Fernandez at Sparta’s Calisthenics Academy consultant and designer Ton Vergel de Dios para sa ‘Battle of the Bars,’ ang pinakamalaking pagkikita ng mga calisthenics practitioners sa bansa.
- Latest
