Bradley hoping pa rin na makasagupa si Manny
MANILA, Philippines – Bagama’t gusto ni FTimothy Bradley Jr. makaharap ni Terence Crawford si Manny Pacquiao, umaasa pa rin siyang maitatakda ang kanilang pangatlong pagtutuos ng Filipino world eight-division champion.
“Terence Crawford is a good friend of mine and I would like to see him get that shot. But of course I would fight Pacquiao in a rubber match,” wika ni Bradley, ang kasaluku-yang World Boxing Organization welterweight titlist, sa panayam ng BoxingScene.com.
Wala pang opisyal na desisyon si Pacquiao (57-6-2, 38 KOs) para sa magiging pinakahuling laban niya sa Abril 9, 2016 bago magretiro at tutukan ang kanyang political career.
Ang tatlong maugong na pangalan na nasa listahan ni Pacquiao ay sina Bradley (33-1-1, 13 KOs), Crawford (29-0-0, 17 KOs) at British star Amir Khan (31-3-0, 19 KOs).
Nauna nang naipadala ni Bob Arum ng Top Rank Promotions sa 36-anyos na Filipino boxing superstar ang mga fight tapes nina Bradley, Crawford at Khan.
Nanggaling si Pacquiao sa pagkatalo kay Floyd Mayweather (49-0-0, 26 KOs) noong Mayo 2 sa MGM Grand sa Las Vegas, Nevada kung saan nagkaroon si ‘Pacman’ ng right shoulder injury.
Dahil dito ay kumpiyansa si Bradley na tatalunin ni Crawford, ang WBO light welterweight king, si Pacquiao.
“I think Crawford has a very good chance of beating Manny Pacquiao. We don’t know how Manny Pacquiao is going to come back,” wika ni Bradley.
Ginulat ni Bradley si Pacquiao sa kanyang kontrobersyal na split decision win sa kanilang unang pagtatagpo noong 2012 bago rumesbak si ‘Pacman’ sa kanilang rematch noong 2013. (RC)
- Latest
