Cardinal Tagle panauhin sa PSA Forum
MANILA, Philippines - Magiging espesyal na bisita si Cardinal Luis Antonio Tagle sa Philippine Sportswriters Association (PSA) Forum ngayong umaga kasama si Philippine Sports Commission (PSC) chairman Richie Garcia sanShakey’s Malate.
Tatalakayin ng Manila Archbishop sa pang alas-10:30 ng umagang public sports program ang “I Run For Integrity 2015” katulong si Henry Schumacher, ang vice president ng nag-oorganisang European Chamber of Commerce of the Philippines (ECCP) at mga opisyales ng League of Cities from the Philippines, Siemens at GMA 7.
Si Garcia naman ang maglalahad sa idaraos na Spike for Peace Invitational beach volleyball tournament katuwang si PSC consultant on beach volleyball Eric Lecain.
Itatampok din ang mga events ng ice hockey at figure skating sa sesyon na isinasaere nang LIVE sa DZSR Sports Radio 918 at inihahandog ng San Miguel Beer, Accel, Shakey’s at Philippine Amusement and Gaming Corp.
Sina Francois Gautier at Carl Montano ang tatalakay sa ice hockey, habang ang figure skating ay pag-uusapan nina Sofia Guidote at Jules Alpe.
Inaanyahan ni PSA president Rierra Mallari ng Manila Standard ang lahat ng miyembro na dumalo sa sesyon ngayon.
- Latest
