Lim, Patrimonio kampeon sa PCA

MANILA, Philippines - Inangkin ni AJ Lim ang kanyang kauna-una­hang titulo matapos ta­lu­nin si top seed at 2014 champion PJ Tierro, 6-3, 7-6 (5), sa men’s division ng 34th Philippine Columbian Association (PCA) Open-Cebuana Lhuillier Wildcard Event kahapon sa PCA Pla­za Dilao claycourt sa Paco, Manila.

Ang 16-anyos ring si Lim ang naging pi­nakabatang kampeon ng event matapos si Man­ny Tolentino noong 1982 na mas matanda la­mang ng ilang buwan sa batang world campaigner.

Ito ang ikaapat na ti­tulo ni Lim ngayong ta­on matapos maghari sa India ITF Junior 1 at sa Delhi ITF Juniors noong Enero at sa China Junior 14 sa Nanjing no­ong Agosto.

Kabilang sa mga ti­na­lo ni Lim, tumayong No. 4 seed, bago gulatin si Tierro ay sina Australian doubles champion at Pepperdine standout Francis Casey Alcantara, 7-6 (5), 3-6, 6-3, sa quarters at si dating eight-time champion at ve­teran Davis Cupper Johnny Arcilla, 7-5, 4-6, 6-1, sa semis.

Sina Lim at Tierro ay nakakuha ng wildcard berth para sa main draw sa second leg ng $15,000 Philippine International Tennis Fede­ration Futures tournament na nakatakda sa su­sunod na bu­wan.

Tinalo naman ni top seed Clarice Patrimonio si Maia Balce, 6-4, 6-3, para kunin ang korona matapos ang mga runner-up finishes noong 2011 at 2013 sa annual tour­nament.