Nasaan na si JVee Casio?
MANILA, Philippines - Matapos bumandera sa unang tatlong laro sa kanilang championship series ay tila nawala sa eksena si Alaska starting point guard JVee Casio.
Sa kabiguan ng Aces sa San Miguel Beermen sa Game Four at Five ng 2014-2015 PBA Philippine Cup Finals ay hindi nakaiskor si Casio.
Ito ang unang pagkakataon na walang naiambag na puntos ang dating kamador ng La Salle Green Archers sa UAAP.
Pinabulaanan ni coach Alex Compton na may itinatagong injury ang 5-foot-9 na si Casio.
“JVee will be fine,” wika ni Compton ukol sa dalawang matamlay na laro ni Casio sa kanilang best-of-seven title series ng San Miguel.
Hindi nilinaw ni Compton kung totoong may injury si Casio.
“I had a very family approach to the team. I know you guys have jobs to do so I apologize,” ani Compton. “But sometimes there’s some stuff that’s family business, so I don’t always disclose everything. I hope you guys understand.”
Sa kanilang kabiguan sa Game Four ay nagtala si Casio ng 0-of-2 fieldgoal shooting at 0-of-8, kasama dito ang 0-of-6 clip sa three point range, sa pagkatalo nila sa Game Five. (Russell Cadayona)
- Latest
