Parker ‘di nakalaro

DENVER – Hindi nakasama ng San Antonio Spurs ang injured na si Tony Parker  sa kanilang laban kontra sa Denver nitong Linggo.

Hindi pinalaro si Parker dahil sa mild left hamstring strain na maaaring dahilan para hindi ito makalaro ng lima sa huling 5-nilang laro.

Sinabi naman ng Nuggets na posibleng hindi pa nila makakasama si center JaVale McGee sa lalong madaling panahon. Hindi nakalaro si McGee ng siyam sa 23-games ng Denver ngayong season dahil sa matagal nang problema sa naoperahang kaliwang binti.

“I heard six weeks at one point,’’ sabi ni Nuggets coach Brian Shaw. “I don’t know. I don’t think he’s anywhere close to coming back right now.’’

Hindi nakalaro si McGee ng limang game noong nakaraang season dahil sa stress fracture sa left tibia.