Kobe Paras unti-unti nang nakikilala sa US
MANILA, Philippines – Kasalukuyang gumagawa ng ingay si Kobe Paras sa United States kung saan siya nakakuha ng atensyon mula sa ilang NBA players.
Isa na dito ang bisitang si Richard ‘Rip’ Hamilton, nasa bansa para magsagawa ng libreng training camps at magbigay ng regalo sa mga bata sa Mandaluyong City na bahagi ng NBA Cares program katulong ang Globe, sa mga humanga sa anak ng tanging PBA Rookie of the Year at MVP sa iisang taon na si Benjie Paras.
“I’ve seen some highlights of him in the internet,” wika ni Hamilton kay Paras, maglalaro para sa UCLA Bruins sa US NCAA, kahapon sa NBA Cafe sa Taguig City. “I’m a fan of the game, I’m always watching new talent and watching new kids come up and at the time I’ve seen him play I didnt know he was from the Philippines.”
“When I was in the car coming in, I asked our dri-ver who is the best player to come out of the Philippines and he was saying that there is this 6-7 guard from UCLA named Kobe Paras and I say ‘hey, that’s the kid I’ve seen in Youtube,’” dagdag pa nito.
Orihinal na naglaro si Paras ng high school sa La Salle-Greenhills bago lumipat sa Los Angeles Cathedral kung saan siya nakakuha ng atensyon kasunod ang athletic scholarship mula sa UCLA, isang US NCAA Division I school.
“My dad told me when I was a kid don’t let anybody tell you you couldn’t do something big and I think if he (Paras) keeps training hard he’ll have a chance,” wika ni Hamilton.
- Latest
