9 Teams pasok sa next round

SEVILLE, Spain -- Si­yam na koponan ang na­kasikwat ng tiket para sa Round of 16 ng 2014 FIBA Basketball World Cup.

At ilan pa ang magta­tangkang makasama sila sa Group Phase.

Ang mga nakapasok sa Round of 16 ay ang nag­dedepensang United States, tournament host Spain, Argentina, Australia, Brazil, Greece, Lithuania, Senegal at Slovenia.

Ang mga laro ay idaraos sa Barcelona at Madrid.

Pinalakas ng Iran ang kanilang tsansa sa Group A mula sa 88-73 panalo la­ban sa Egypt  sa labanan ng mga koponang wala pang panalo.

Sinelyuhan ng Brazil ang kanilang puwesto sa Round of 16 matapos ku­nin ang 81-73 tagumpay la­ban sa Serbia, habang gi­niba ng Spain ang France, 88-64.

Sa Group B, maglala­ro ang Argentina sa Mad­rid sa Round of 16 matapos ang 81-46 paggupo sa Se­negal.

Inilista ng Greece ang kanilang ikaapat na pana­lo matapos ang 76-65 pananaig sa Croatia.

Sa Group C, ginulat ng New Zealand ang Ukraine, 73-61, at dinaig ng Turkey ang Finland sa overtime, 77-73.