Gilas Pilipinas No. 20 sa FIBA World Cup

MANILA, Philippines - Ang Lithuania, Spain at United States ang na­ngi­ngibabaw, habang nasa No. 20 naman ang Gilas Pilipinas sa Power Ladder na inilabas ng FIBA si­yam na araw bago ang 2014 FIBA World Cup sa anim na siyudad sa Spain.

Sa hanay ng mga Group B teams, ang Pili­pi­nas ay No. 4 at nasa iba­baw ng Croatia at Senegal base sa resulta ng mga la­ro simula noong Mayo 29 para sa world meet.

Ang Nationals ay No. 20 sa kanilang 5-6 win-loss record, kasama ri­to ang kanilang second-place finish sa FIBA-Asia Cup sa Wuhan, China at ang kanilang five-game lo­­­sing slump sa Antibes, France at sa San Sebastian, Spain.

Bumandera ang Puer­to Rico sa mga Group B teams sa kanilang 5-3 slate kasunod ang Greece (4-3) at Argentina (3-3).

Ang Croatia ay may 1-3 mark kasunod ang Se­negal (0-1).

Hindi naman kasama ang mga scrimmages ng Gilas Pilipinas sa Miami at Vitoria.

Nagposte ang Lithuania ng perpektong 10-0 baraha kasunod ang Spain (6-0), US (2-0), Dominican Republic (6-2), Serbia (5-2), Mexico (6-3), Slo­ve­nia (4-2) at New Zealand (7-4).

Nalasap ng Nationals ang kanilang ika­-limang su­nod na kamalasan mula sa 74-83 pagyukod sa Angola sa San Sebastian.

Humakot si 6-foot-11 natura­lized player Andray Blatche ng 33 points at 17 rebounds para sa panig ng Gilas Pilipinas.